Á fimmtudaginn síðasta útskrifuðum við elstu börnin okkar. Að þessu sinni útskrifuðust 25 börn frá okkur. Börnin buðu foreldrum sínum að koma og verða vitna að þessum merkilega viðburði í þeirra lífi. Börnin dönsuðu við lagið ,,Ég ætla að skemmta mér" með hljómsveitinni Albatross. Svo sýndu þau leikrit sem börnin höfðu samið sjálf og að lokum sungu þau nokkur lög. Það er alveg ljóst að þessi börn eiga framtíðina fyrir sér. :)

Börnin fengu svo afhent viðurkenningaskjal, rós og bók með verkefnum og listaverkum. Að því loknu var boðið til veislu en forelrarnir komu með veitingar. 

Takk fyrir frábæran dag börn og foreldrar og til hamingju með börnin ykkar.  

Heilsuleikar Reykjavíkurborgar voru haldnir í þriðja sinn nú í lok apríl og stóðu í tvær vikur. 950 starfsmenn borgarinn tóku þátt í 149 liðum. Að þessu sinni varð lið Heimaþjónustunnar í efri byggð í fyrsta sæti, lið íbúðarkjarna Bríetartúni í öðru sæti og lið Álftaborgar í þriðja sæti. Þess má þó geta að við urðum í fyrsta sæti yfir alla leikskóla Reykjavíkurborgar eins og í fyrra en þá lentum við einnig í þriðja sæti yfir borgina. 

Elsku foreldrar og börn. 

Við óskum ykkur gleðilegs sumars, með innilegu þakklæti fyrir liðinn vetur.
Hlökkum til sumarsins með ykkur.

Starfsfólk Álftaborgar

Í tilefni af sumardeginum fyrsta vorum við með blómaball. Þá búa börnin sjálf til blómakóronur sem þau skarta á ballinu og dansa sumarið inn. Alltaf gaman að dansa við góð lög og skemmtilegt að sjá fjölbreyttar kóronur á dansgólfinu. :)